تداولت العديد من المواقع الإلكترونية وصفحات التواصل الاجتماعي، تعليق النجم السينمائي أحمد عز على الحكم النهائي، الذي تم إصداره من المحكمة لإنهاء الحرب والخلافات القائمة بينه وبين الفنانة زينة.

تضمنت كلمات التدوينة التي نشرها أحمد عز ويقول فيها: "مساء الفل ياعيلتي وأهلي، كتير سألوا عليا امبارح وأنا باطمنكوا أنا الحمد لله كويس، وزي الفل وراضي باللي ربنا كاتبهولي كله، أنا كمان مش بس راضي أنا سعيد "بالابتلاء" اللي أنا فيه عشان واثق في ربنا وفي نصره إن عاجلا أم أجلا!!! وإن اللي انا فيه ده ماهو إلا رفع درجات بإذن الله، طبعا أنا لا أعلق على أحكام القضاء ومش هاطلع أعمل دوشه ولا اتكلم عشان أنا سايب حقي على ربنا العادل الحق". 

أضاف أحمد عز قائلا: "اللي بقولهولكوا دلوقتي هو نفسه اللي بقوله من أول يوم في القضية وهافضل أقوله لآخر نفس في عمري، وبأشهد الله على كلامي ده بل وأقسم بالله العلي العظيم أني ماتجوزتهاش ولا رسمي ولا عرفي ولا شفهي ولا ثانية، وان شاالله يكون معاها ١٠٠ حكم و١٠٠ شهادة ميلاد برضه مش ولادي".